Kadijadian Destinasi Salanjuiknyo, Pangalola Pulau Sirandah Mulai Bakarajo
Koran Baso Minang - Sebagai pulau talua di garih pantai bateh wilayah Kota Padang, Pulau Sirandah ka dijadian objek wisata baru di Kota Padang. Untuak mawujuik an rancana nan mode tu, Paralu pambangunan infrastruktur jo sanitasi nan mamadai supayo pulau tu bisa samakin ancak jo nyaman untuak wisatawan nan ka balibur jo ka lalok di sinan.
Hal itulah nan kadi karajoan dek, PT. Wisata Bahari Monetization Of Global Sharing Benefit (MGSB). Hal itupun dikeceka an langsuang dek Direktur PT Wisata Bahari MGSB, Aska Bernando ka bara urang awak media di Pulau Sirandah, Sabtu (28/1) sanjo. "Kami alah bakarajo samo jo pihak Pemerintah Kota (Pemko) Padang untuak mangalola pulau talua ko".
Untuak tahap awal, kami ka foku ka pembenahan infrastruktur jo sarana prasarana yang beko dapek dipakai dek wisatawan," kecek Aska. Dijalehan dek kilaki bakaco mato ko, bekonyo pulau tu ka dibagi jadi duo, bagian muko jo lakang.
Bagian muko akan digunokan untuak objek wisata tuak wisatawan dalam nagari dan bagian lakang untuak turih dari lua nagari. "Jo laweh lahan nan mancapai kiro-kiro 10 hektar, alun sadonyo kami karajoan sadonyo, dek pulau tu ka ditagak an cottage nan bajumlah 10 unik jo ciek restoran untuak turih awak nan dari dalam nagari.
Samantaro itu untuak turih nan dari lua nagari, bekonyo ka awak sadio an babarapo resort di bagian lakang pulau. Namun tuak kini, kami fokus ka panyalasaian infrastruktur jo sarana prasarana di bagian muko pulau labiah dulu. Target karajo sampai patangahan bulan semptember sampai ujuang tahun ka muko," keceknyo. (h/mg-adl) Tarimokasih harian haluan
