Koran Baso Minang - Dalam tigo ari, Polisi manangkok pangeda jo pamakai sabu di barapo tampek nan babeda. Dalam panangkok an tu ado sabanyak 35 paket sabu sarago puluahan juta di sita patugeh Kapolisian.
Kini sado tasangko sadang mandakam di kandang situmbin Mapolda dan Mapolresta Padang untuak diproses hukum selanjuiknyo.
Dari ka anam tasangko, ampek urang ditangkok anggota Reserse Narkoba Polresta, samantaro duo lai ditangkok Direktorat Narkoba Polda Sumbar.
Kaanam tasangko adolah, Malin, 34, Remon,36, Dony Andeska alias Doyok, 30, Frisca Pricilia Santioso alias Caca, 26, Harry Walanda,27 jo Alinda Fivi Sari, 34.
Manuruik Direktur Narkoba Polda, Kombes Kumbul KS, Akaik (29/1) tasangko Malin dan Remon adolah tangkapan hasil karajo anggota Narkoba Polda, samantaro Doyok, Caca, Harry jo Alinda hasil tangkok an Polresta. “Dari hasil tangkok an tu kito totalkan BBnyo sabanyak 35 paket,” kecek Kumbul. (gpa) Tarimokasih Harian singgalang